Tamer Alaaedine
الصراحة كنت عّم فكر اعمل تجربتي من استلام الفيزا كاملة لغاية الوصول لكندا وإتمام الإجراءات الأولية بكندا بس لحتى ما أتأخر عليكم أكتر من هيك وخاصة إنّو البعض استلموني (عشرة بلدي) على رأي الإخوة المصرية
شفت الأفضل نكتب على مراحل وعسى يكون فيها فائدة للجميع واعذروني اذا كترت حكي
قبل وبعد تغير حالة الملف لديسيجن ميد أو استلام إيميل طلب الجوازات
قبل وبعد تغير حالة الملف لديسيجن ميد أو استلام إيميل طلب الجوازات
هلأ قبل تغير حالة الملف أو استلام إيميل طلب الجوازات يا ريت الكل يتأكد من تاريخ انتهاء الجواز لحتى ما تكون المفاجئة بعد استلام الايميل وتلوصوا وما تعرفوا شو لازم تعملوا تطلبوا ترافل دوكيمنت ولا تجددوا الجواز وبالحالتين طبعا ما في مشكلة ولا حتى تأخير لموعد السفر اذا طلبتوا ترافل دوكيمنت اما التجديد فحسب وين وكيف بدكم تجددوا
بالنسبة لموضوع التوقيع على الجواز طبعا اللي تبين من التجارب ان في حال الحصول على الفيزا الكندية مانك بحاجة لأي فيزا ترانزيت خلال السفر اللهم أمريكا الها وضع خاص وطبعا ما حدا عّم يسافر عن طريقها وبالنسبة للتوقيع على الجواز كمان ما في مشكلة الا في ألمانيا وخاصة مع خطوط طيران لوفتهانزا مع ان اسعارها من أفضل وارخص الأسعار لهيك ممكن تختصروا على حالكم وتوقعوا جوازاتكم بأقرب سفارة سورية الكم بس اذا في سفر وتكلفة عليكم انسوا الموضوع ولا تحجزوا عن طريق اللوفتهانزا ولا ترانزيت ألمانيا وريحوا راسكم
ملاحظة
غالبا بيوصل إيميل طلب الجوازات بعد تغير حالة الملف لديسيجين ميد من يوم لأسبوعين بالكتير ما عدا الناس اللي طالبين تذاكر سفر من السفارة ممكن تتأخر لغاية شهر لان خلال هي الفترة يكون في تنسيق مع IOM لترتيب موعد السفر وحجز التذاكر وطبعا خلال هي الفترة رح يتلقى صاحب الطلب اتصال لترتيب موعد السفر المناسب
وهلأ نجي للأهم بالبوست
ووووصل الايميل طبعا رح يكون بين الساعة ٩ الصبح والساعة ٣ المسا أول ما بيوصل رح تكون الصدمة يعني نصدق أو ما نصدق وساعتها ما عليكم عتب اللي بدو يصرخ أو يبكي أو يضحك النتيجة وحدة هي احساس واحد بالآخر انك عّم تولد من جديد (حتى لو كنت كبير بالعمر طبعا لا تفكر بشي وخلي اليوم للاحتفال وشكر رب العالمين وهون بدّي اذكر شغلي طبعا اللي بيعرف كندا ومن اول يوم بتعرف إنّ الجماعة ما بيتراجعوا عن شي في خير للانسانية فلا تخافوا وتفكروا كتير الكل جاي ان شاءالله مهما تغيرت الظروف ولكن مسألة وقت وللصراحة ما بدّي نظر لأني وصلت بس بصدق الموضوع بيستاهل الانتظار والتضحية وربنا كريم وتتيسر أمور الجميع بأقرب وقت
طيب وبعد ما نفلجتوا من الخبر واحتفلتوا بالمناسبة بلش الجد فكروا بترتيب أمور السفر
١- اول شي حددوا موعد السفر واحجزوا بالوقت المناسب الكم وجهزوا أوراقكم وأبعتوها للسفارة
٢- جربوا اول شي تخلصوا من كل الأشياء اللي ممكن تعطل سفركم لا سمح الله متل ملكية سيارة - وظيفة - متعلقات حكومية وغيرها طبعا بحسب بلد الإقامة
٣- جهزوا كل الأوراق المهمة اللي رح تأخذوها معكم: شهادات ميلاد، بطاقات اللقاح، الأوراق الخاصة برخصة السواقة
٤- الأغراض اللي رح تشحنوها خلوها جاهزة قبل سفركم بيومين تسلموها لمكتب الشحن
٥- باقي الأشياء مثل عفش وغيروا اللي بيمشي يمشي واللي ما بيمشي لا تزعلوا كلوا بيتعوض
هيك صرتوا جاهزين
هيك صرتوا جاهزين للاقلاع ✈️✈️وبالنسبة لشركات الطيران بالعموم متشابه وشي أريح من شي ولكن بشكل نسبي لأن الرحلة طويلة بس لما تفكر شو ناطركم رح تنسوا التعب
يتبع ، ، ، وبالتوفيق للجميع 🙏
الهادي حسن حسب الله حسن/35 سنه أريد السفر إلى كندا والعمل والعيش فيها 24995769566 واتساب moder93m@gmail.com
ردحذف