رحلتى للهجرة الى كندا من البداية الى النهاية
صباح الخير ومساء النور ميعادنا اليوم مع الجزء الرابع
هلا اول شي قبل ما نبدأ بالحكي عن موضوع المدارس وتعقيبا على موضوع فتح الحساب بكندا بعد الوصول ولحتى ما تغلطوا متلي اهم شي تعملوه اثناء فتح الحساب أنكم تطلبوا بطاقة الكريديت (VISA) وما تعتمدوا على الديبت كارد (ATM) انا تأخرت شوي لحتى طلبتها لأني كنت معتمد على بطاقة الفيزا السعودية طبعا الموضوع مانو خطير وبيتعوض بس لحتى تبدو تربوا الكريديت هيستوري تبعكم وخاصة مع كثرة المصاريف للمرحلة الأولى لان الكريديت هيستوري بكندا متل واحد من الأولاد بدك تربيه كويس لحتى تستفيد منه مستقبلا .
هلا اول شي قبل ما نبدأ بالحكي عن موضوع المدارس وتعقيبا على موضوع فتح الحساب بكندا بعد الوصول ولحتى ما تغلطوا متلي اهم شي تعملوه اثناء فتح الحساب أنكم تطلبوا بطاقة الكريديت (VISA) وما تعتمدوا على الديبت كارد (ATM) انا تأخرت شوي لحتى طلبتها لأني كنت معتمد على بطاقة الفيزا السعودية طبعا الموضوع مانو خطير وبيتعوض بس لحتى تبدو تربوا الكريديت هيستوري تبعكم وخاصة مع كثرة المصاريف للمرحلة الأولى لان الكريديت هيستوري بكندا متل واحد من الأولاد بدك تربيه كويس لحتى تستفيد منه مستقبلا .
نجي هلأ لموضوع المدارس طبعا ممكن تجربتي ما تكون غنية لان ما عندي غير بنت وحدة بالمرحلة الابتدائية رح يكون تسجيلها موضوع الحديث لأن الأكبر منها بدأت الدراسة بالجامعة من تاني يوم لوصولنا وللتوضيح التسجيل بالجامعة موضوع طويل شوي وكان قبل الوصول لكندا بأشهر وحتى فبل الحصول على نتائج امتحان (IG) بالسعودية.
بالنسبة للمرحلة الابتدائية التسجيل بالعادة بعد الاستقرار بعنوان ثابت لازم تروحوا لمركز الفاميلي ريسبشن رح يحددولكم موعد بعد ايام تجيبوا الأولاد يعملولهم تقييم وبعد التقييم رح يشوفوا اقرب مدرسة للسكن يعطوكم عنوانها ويحولوا أوراق الأولاد للمدرسة وهي بدورها تتصل فيكم خلال يومين ولو تأخروا ممكن إنتوا تتصلوا فيهم ورح يقولولكم جيبوا الأولاد تاني يوم وهيك يبلشوا الأولاد وخلصت الحكاية سهلة مو .
لسه المفاجئة خلال الأيام الأولى لما تلاقوا اولادكم مو حابين الإجازة وبدهم يروحوا المدرسة كمان غريبة هي مو والله انا هيك صار معي
طبعا حديثنا عن اوتاوا اما باقي المدن ما عندي فكرة ممكن تختلف الامور شوي ولكن النتيجة وحدة واكيد بقيت الصبايا والشباب رح يشاركونا ارائهم لحتى تكون الصورة اوضح للجميع
ربنا يوفق الجميع ويسر امركم وتوصلوا بخير
ربنا يوفق الجميع ويسر امركم وتوصلوا بخير
وعالهامش رح خبركم شغلي بما ان لسه ما قدرنا ننسى الأسلوب العربي بالحياة بس اوعدكم رح نزبط انا سجلت بنتي بالمدرسة وانا لسة بالشقة المفروشة لأني لما اخذت خطاب من المسؤولة عن السكن قلتلها ما في داعي لوضع تواريخ الحجز وقبلت مسكيني اخذت الخطاب ولما طلبوا عقد الإيجار طنشت وعطيتهم الخطاب بس ومشي الحال
يعني النية حسنة بس منشان ما تبقى البنت بالبيت لحتى ناخذ سكن دائم مو تبلشو هلأ حكينا النية لخير
اي صحيح بالنسبة لنموذج اللقاحات طبعا ما حدا سأل عليه ولما سألتهم عطوني موقع وعنوان شغلتو تسجيل بيانات اللقاحات للأولاد ودائما ممكن التحديث لأي لقاحات جديدة بياخذها الأولاد
اي صحيح بالنسبة لنموذج اللقاحات طبعا ما حدا سأل عليه ولما سألتهم عطوني موقع وعنوان شغلتو تسجيل بيانات اللقاحات للأولاد ودائما ممكن التحديث لأي لقاحات جديدة بياخذها الأولاد
طبعا حاولنا من خلال الموقع مامشي الحال لأن لازم يكون عنا بطاقة أونتاريو الصحية وبعد مساعدة أحد الأعضاء مشكور عرفنا انو لازم نروح للمركز المسؤول عن التلقيح وفعلا رحنا ومشي الحال وطلبوا اضافة لقاح وبعدها هم يفتحوا ملف على السيستم.
وإن شاءالله بالتوفيق للجميع والكل يوصلوا بخير ويكتبولنا تجاربهم
تعليقات
إرسال تعليق