القائمة الرئيسية

الصفحات

رحلتى للهجرة الى كندا من البداية الى النهاية .. الجزء الثانى


رحلتى للهجرة الى كندا من البداية الى النهاية .. الجزء الثانى
حبايبنا يسعد أوقاتكم بكل خير وراحة بال يارب
معلش تأخرت عليكم شوي بعد ما ضبيتوا الشناتي بس لان كنّا عّم نحمي الطيارة شوي سامحونا
هلأ بعد ما جهزنا الشنتاتي واغراض الشحن اللي عندهم بمكان اقامتهم خدمة تسليم وانهاء البوردينج قبل بيوم لا يفكروا كتير لانها بصراحة احلى شغلي عملتها قيل السفر من الرياض لأنكم اول شي ترتاحوا من أخذهم للمطار وتروحوا خفاف نظاف  والاهم تناموا مرتاحين لان دغري عالطيارة وما في خوف من اَي مشاكل أو تاخير بالمطار ل سمح الله


بالنسبة للوزن الأفضل الالتزام بالوزن المحدد لان الموضوع بيختلف من موظف للتاني ومن شركة لشركة فبلا وجعة الرأس احسن ، اذا معكم أطفال وحبيتوا تاخذوا شوية مأكولات خفيفة نقرشة مو مشكلة .

انا رحلتي كانت الرياض دبي وترانزيت ٣ ساعات بدبي ما حسينا فيهم يعني عشى خفيف وفنجان قهوة وخلص الوقت وبعدها الخطوط الكندية الى تورونتو الرحلة ممتازة الوقت ١٢ ساعة يعني حتى لو حاجز بزنس رح تتعب لهيك وفروا فلوسكم وخليكم عالسياحي  ما فرقت كتير وخاصة لو عدد أفراد الاسرة كبير ، الخدمة جيدة عموما وحاولوا تشربوا مي كتير وتتمشوا خلال الرحلة داخل الطيارة طبعا .

الوصول الى تورنتو وهون في شغلة مهمة طبعا السفارة بالعادة تنبه ان الوصول بين الساعة ٨ و ١٠ المسا طبعا يفضّل الالتزام بس انا للصراحة ماالتزمت ووصلنا ٦ الصباح وعلى أساس ننتظر بس تفاجئت ان في حدا ناطرنا بعد ما حاولنا نخلص بعض الأشياء لحالنا لهيك اول ما توصلوا تمسكوا اَي حدا يطلع بوشكم (موظف طبعا ) وتخبروا عن وضعكم وهو رح يتولى الموضوع لان أصلا اسمكم موجود عندهم وناطرينكم قبل وصولكم بساعتين على الاقل، لا تشغلوا بالكم كتير بالاستعدادات لاجراءات المطار لان كل شي هم بيعملوا وفوقها ويلكم تووووو كندا ، طبعا من الإجراءات اللي تصير بالمطار عمل اللانديج ومعها يعملولكم السين نمبر وهاد اهم شي ومتل ما حكولي هاد الرقم تخبي ولا حدا يشوفوا وكل واحد من أفراد الاسرة يطلعلو سين والشي التاني أوراق التأمين الصحي الفدرال للفترة الاولى من الإقامة لان تأمين المقاطعة ما تحصلوا عليه الا بعد فترة


طبعا ما ننسى ان شحنا شوية اغراض رح يوصلوا بعدنا ممكن تخبروهم وتحضروا القائمة اللي عملتوها وقت الشحن طبعا انا ما عملت هيك شي ونسيت أصلا خبرهم عن الشحن بس لا تخافوا أنتم في كندا الأمور سهلة انا لما رحت جبت الاغراض باوتاوا سألوا كم سؤال عن الاغراض وطبعا كان في قائمة عالخفيف فيهم ومشيت الأمور عادي ودفعنا ٧٠ دولار هي اجباري وفوقهم غرامة ٤٠ لأني تأخرت يومين بعد اتصالهم بس كانوا يومين عطلة على حظي  واذا حابين تعرفوا كيف جبت الاغراض من المطار فأنا اعتمدت طريقة شوية مختلفة ما بعرف اذا تعجبكم قبل بيوم بالليل حجزت سيارة كبيرة جيب ايجار وحددت استلامها الصباح اخذتها وحظي الحلو طلعت سوبربان يعني تريلا  رحت فيها المطار جبت الاغراض وكنت حاجز مستودع صغير قريب من المطار ايجارو الشهري ١٠٠ دولار تقريبا لان صعب أخذهم عالشقة المفروشة، امنا الاغراض بالمستودع وأخذنا السيارة مشورنا فيها طول النهار ورجعناها تاني يوم الصبح بس طبعا بعد ما عبيتها بنزين متل ما كانت .


ولي  شردنا مع الاغراض ونسينا نكمل بعد إجراءات اللانديج بتورونتو قول ما في شي مهم بقي الموظف معنا لحتى خلصنا كل شي وقعدنا ننتظر رحلة اوتاوا بهي الفترة انا كنت عّم فكر بالسيجارة طبعا لقيت باب المطار قدامي طلعت وكانت اجمل لحظة شعورك بأنك وصلت كندا والمطر عّم ينزل عالخفيف وبرد طبعا بس انا ما همني شي لأني انشغلت بالسيجارة.


اجا موعد رحلة اوتاوا وما لقيت الا الرجال لسه حوالينا تقول عاملين شي لا سمح الله وما رضي الا ووصلنا لباب الطيارة وتوجهنا الا اوتاوا ساعة كنّا بالمطار طبعا تفاجئت ان الكفيل وزوجته ناطرينا بالمطار وابني كان معهم وطبعا هي كانت اللحظة الاجمل اخذنا الشناتي وبوشنا عالسيارة وبعدها للشقة وطبعا الكفيل لا وقع ولا استلمنا ولا شي من هالشي يعني مجرد عملتوا اللانديج انتو مقيمين دائمين ما في فرق بينكم وبين الكفيل مو متل بعض الدول
يتبع
هل اعجبك الموضوع :

تعليقات