بداية حنتكلم على الخطوط العريضه واساسيات التقديم والاجراءات
اول حاجه لازم تقرا كويس الاجراءات فى اللينك دا تبع ادارة الهجره لنيوزلندا كويس جدا مره واتنين وتلاته عشان تفهم وتحفظ الامور :
اللينك https://www.newzealandnow.govt.nz/…/w…/skilled-migrant-visas
ثانيا اهم حاجه لازم تعرفها عشان تقدم
==========================
1- تجيب160 نقطه فما فوق لو اقل متقدمش وتخسر فلوسك لانم مش حتتقبل فوق 160 ملفك بتقبل من السيستم اوتوماتيك وبعد كدا فى اوفسر بيتعبن يراجعو ويشوف لو ورق ناقص فبيتواصل معاك
2- الايلتس مش مطلوب لو دارس فى جامعات اوروبيه او امريكا او كل دراستك فى مدارس بريطانى او امريكى وكذلك الزوجه بس لاننا مصريين فى 80% سعات الاوفسر بيطلبوها فى اخر شهر من الاجراءات فى المرحله الاخيره فاحسن تكون على الاقل مجهزو فى خلال السنه بتاعت الاجراءات دى يعنى ممكن تجيب الاول ورقة من شركة الاتش ار تثبت ان التعامل فى شكتكم كلها بالانجلش لو انتا فى دوله زاى قطر او الامارات كل التعامل فعلا بالانجليزى او دراستك الماستر او الدكترواه فى المانيا او امريكا وهكذا عشان تقنع الاوفسر انك بجد مش محتاج الايلتس
3-الزوجه وشهادتها الجامعيه بتديك 20 نقطه زياده ولو حتخودها النقط دى يبقى لازم ايلتس ليها 6.5 لكم لو معماك اكتر من 160 نقطه ومش محتاج لنقط البوينس يبقى محتاج ايلتس بس منها 5
4- فى نقط بونس اضافيه لمهن فيها نقص شديد زاى المهندسين والاطباء والتمريض دول بيخدو من 10 ل 15 نقطه حسب عدد سنين خبرتك فى مهنتك وخلى بالك لو انتا خريج هندسه it مثلا واشتغلت فى بنك عشر سنين مش حيوافقو يدوك نقط الخبره لانك اشتغلت فى مجال غير مجال شهادتك حتى لو المجالين فعلا مطلوبين دا مهم تعرفو عشان متخسرش فلوسك بردو
نيجى بقى للمهم كيفية احتساب نقطك فى اللينك الاتى
خلى بالك identified future growth area points (bonus ) مش لينا كمصريين لنها خبره داخل نيوزلندا فقط او دول اوربيه وامريكا واليابان واسرائيل وهونج كونج
خلاص لقيت نفسك كملت 160 وعشان تتاكد التقديم اصلا بتملى الاوراق اون لاين طول منتا بدخل البيانات فى مؤشر فوق بيبن معاك كام نقطه قبل submit حتشوف نتيجتك نقطك كلها تمام كدا
وادى طريقة التقديم والمصاريف
https://www.immigration.govt.nz/new-zealan…/apply-for-a-visa
وادى ليستت المهن المطلوبه فقط
http://skillshortages.immigration.govt.nz/…/long-term-skill…
نخلى بالنا اصحاب المهن الطبيه لازم تعادلو شهادتكم قبل التقديم طبعا وبياخد وقت كالعاده زاى معادلة استراليا تقريبا ايلتس اكاديك 7.5 وامتحانات يا ريت تتواصل مع النقابات فى نيوزلندا عشان تعرف بالتفصيل
حاجه مهمه لو زوجتك طبيبه وهيا مرافق فقط وانتا مهندس مش محتاج انتا معادله وعايز تاخد 20 نقطه بتاعتها متخفش مش بيتعادل شهادتها عشان هيا مرافق لا تقلقو 
)))))))
)))))))
المهم البدايه ازاى !!!!
تخش الويب سايت بتاع الهجره تعمل اكونت باسمك وبعد كدا تطلب تعمل EOI (EXPRESSION OF INTEREST (
بعد كدا تملي كل بياااااااااااااااناتكم بالتفصيل الممل واياك تغلط وبعد ما تخلص تشيك كذا مره وبعد كدا تعمل سيبمت وتدفه 530 دولار نيوزلندى (مش فاكراه بكام مصري (
السحب كل اسبوعين يوم الخميس حتجيلك رساله عى ايميلك توقلك مبروك ويبعتلك كل الاوراااااااااااق المطلوبه منك تبعتها فى خلال اربع اشهر فقط (نصيحه لو جايب 160 نقطه ابدا لان الوقت مبيكفيش لازم قبل اربع شهووووووور خصوصا حاجه اسمها معادلة شهادتك الجامعيه بتعد شهرين تلاته لوحدها وبتكلف 730 تقريبا دولار نيوزلندى بتبعت اوراقك الجامعيه ل NZQA لو معاك ماستر بتبعتها فى ملف لوحدها وتبدفعلها لوحدها خلى بالك منفصله وتعمل حاجه اسمها PAR pre assesment وبيكلف 100 دولار تقريبا لو حابب بس تتاكد شهادتك الجامعيه تعادل 6 ول 7 ولا 8 بمقايسهم وتقريبا معظمنا بياخد 7 اللى بيتدى 50 نقطه الاولانيه وبعد ما يجيلك جواب القبول المفروض تبعت تاااااااااانى ل nzqa تعمل full assesment وتبعت بقى الاصول او صور طبق الاصل و 730 دول فاحسلك من الاول قبل ما تقدم اعمل full لان زاى ما قولتلك مفيش وقت خاااااااااالص وفلوس على Pre assessment على الفاضى
لو دارس فى دول اوروبا وامريكا وجنوب افريقيا او اليابان مش بتعمل الاسيسمنت اصلا شوف ليستت الدول دى
المهم اما تتقبل حيطلبو طبعا شهادات البحث الجنائي وفحص طبي من دكتور معتمد من مصر وليه ليسته طبعا لاطباء المعتمدين اللينك اهو
http://onlineservices.immigration.govt.nz/…/paneldoctors.ht…
وطبعا لازم تنجز وقبل تقديمك تكون مجهز شهاداتك وموثقه والمدام وشهادات ميلاد عيالك والزواج كلو موثق وبالانجليزى طبعا وساليبس دراستك وشهادت سجل دراجاتك
salybus and grade scripts
بعد كدا تبعتهم على العنوان حيدهولك فى ايميل القبول ومعاهم حوالى الفو وشويه مش متذكر لرقم اوى (خلى بالك لو مهندس بتعمل حاجه اسمها مشاريع ودى لمهندسين الكهربا والمدنى وفروق منهم عشان منظمة IPENZ نقابتكم تديك ورقة تقولك ان شهادتك الهندسيه بتعادل بتاعتهم زاى charterd engineer كدا ودى بتاخد شهر واتنين عشان كدا بقولك تبقى عامل كل اوراقك من IPENZ AND NZQA بتاعت معادلة الكليه والنقابه لو محتاج الاربع شهور ميكفوش
المهم بعت يا سيدى حتستنى من 8 ل 10 شهور ورقك فى لندن بيراجعوه وبعد كدا بيروح نيوزلندا بيعينولك اوفسر للكيس بتاعتك بتتواصل معاك تلفون او ايميل لو عندك حاجه ناقصه فى ورقك ودا فى شهرين مثلا بعد كدا بتحدد مقابله فى التلفون بتاسك تعرف ايه عن نيوزلندا حتيجى فى انهو مدينه طيب حتصرف منين وحترتب اموزك ازاى ليك اصدقاء (خلى بالك خليك هادى وبينلها انك عارف كل حااااااااااااجخ ومجهز نفسك ويفضل وانتا بتعت اوراقك تبعت حاجه كدا زاى خطتك ومساراتك واللى جاي عشان تعملو واسباب هجرتك لنيوزلندا عشان الاوفس ممكن ميحتجش يتصل لو الجواب مقنع وكمان بيشوف لغتك الانجليزى لو مش مقدم ايلتس انتا والمدام فممكن يكلمها بردو )
بتستنى شهر وبعد كدا بيطلبو الباسوبرات تتبعتلهم بيحطلوك التاشيره الزرقا دى (يا رب ينولهالكم كلكم ) وادامك سماح سنه ونص عشان تدخل الدوله والف مبروك ليك )))))))))))))
)))))))))))))
البلد جميله جداااااااااااااااا وهاديه وجنه ربنا فى الارض (دا اللى اتحكالى من اصدقاء هناك اقل بلد مهاجرين من حيث العنصريه والسماحه والطيبه احسن من استراليا بمراحل بس طبعا الاجور اقل مش كبيره زاى استراليا )
فى لسه هجرة رجال الاعمال وليها نقط وفيزا العمل اللى هيا بتوزع 300 فيزا بس كل سنه والاسبيقيه للتقديم ودى بتفتح تقريبا يوم 27 ابريل وبتخلص فى اول عشر دقايق عشان بيبقى عليها هجوووووووووووووم غير طبيعى (دى بردو لازم معاك ايلتس ومعاك شغلانه مطلوبه فى الليسته بس ومعاك 4000 دولار مصاريفك هناك تسع شهور واول ما تلاقى شغل بتسمحلك تعد سنتين بفيزا عمل فكدا تقدر تكمل النقاط بعملك هناك لو مش متزوج او سنين خبرتك قليله بس العمل لازم يكون فى تخصصك عشان تاخد الفيزا وبردو الاطباء المنحوسين والمجالات الطبيه مينفعش يقدمو عليها عشان معادله هيا هيا اجراءاااااااااات الهجره الفرق انها مش 160 نقطه ومش لازم زوجه )
هجرة الاستثمار دى بتكون ب 100 الف دولار نيوزلندى دى بقى للى عندى بيزنس فى مصر وخبره فيه ليها نقط بردو اللينك الاتى دا https://www.immigration.govt.nz/…/forms-and-gu…/inz1221.pdf/
دى زاى بيدك سنه هنا تاسس شركة ةتشغلها ولو ليك مجال بقى بيزنس وتجاره سهل عليك اوى بس لازم تكمل 120 نقطه تمام وبعد سنتين بتاخد الاقامه الدايمه وبعدها ب 3 سنين الباسبور
تعليقات
إرسال تعليق