القائمة الرئيسية

الصفحات

الهجرة الى كندا .. الطرق والشروط والبرامج التى تقدمها الحكومة الكندية


ناس كتير عايزه تهاجر بره بلادها وبتسأل ابدأ ازاي ومنين. 
البداية من هنا
الهجرة لكنداالمقصود بالهجرة هي إنك تعيش بشكل مستقر فى بلد جديد وتاخد إقامتها الدائمة ثم جواز السفر بتاعها (جنسيتها).
انا هنا مش باتكلم عن إنك تلاقى عقد عمل فى الخليج او تدرس فى ألمانيا أو نفسك تروح السويد لمدة سنة وترجع، انا هنا باتكلم عن "الهجرة".


الهجرة ليها اكتر من طريق: الاستثمار، الزواج، اللجوء، الدارسة، عقد عمل، وبرامج الهجرة للعمالة المهرة.
الكلام فى الأول هابدأه عن الأخيرة، والدول التي لديها هذه البرامج هي استراليا، نيوزلندا وكندا.

اقرأ ايضا

والكلام هنا عن كندا تحديدا، والمقصود بكلمة العمالة هي كل الوظائف وليس فقط فئة العمال او الحرفيين.
*كل الوظائف مطلوبة* وظيفتك او مجال تخصص مش هايفرق كتير فى قدرتك على الهجرة.


اختلاف مجال دراستك (الشهادة) ومجال عملك (الخبرة) مش مشكلة. 


برامج الهجرة الكندية تقبل المؤهلات العليا والمتوسطة والفنيين و مش محتاجة مكتب هجرة مادام الانجليزي او الفرنساوى بتاعك كويس وتقدر تقرأ التعليمات من المواقع الرسمية والمنتديات.


لو اللغة بتاعتك مش كويسة... يبقى ضروري تقويها قبل ما تضيع وقتك فى البحث عن طرق الهجرة.
للأسف "مافيش لغة = مافيش هجرة" دي نصيحتي الدائمة. 


وتعرف ان اللغة بتاعتك كويسة لو تقدر تتفرج على فيلم اجنبي بدون ترجمة وتفهم معظمه.

الخطوات الأساسية مش كتيرة ولكن فيها تفاصيل كثيرة.

الموضوع محتاج إصرار وتعب لانه بياخد من سنة إلى 3 سنوات حسب حالة وظروف كل واحد لغاية ما تقدر تسافر.

بخلاف دول الهجرة الأخرى مش محتاج تعمل معادلة لشهادتك قبل الهجرة لكندا (محتاج فقط تقييمها) ولما بتسافر بتحتاج تعملها فقط لو عايز تشتغل بشهادتك، وممكن تختار ان تشتغل اي حاجة مش محتاجه دراسة او تقرر انك هاتدرس حاجة مختلفة وتشتغل بيها هناك... انت ''حر"

ميزة برامج الهجرة إنك بتاخد الإقامة أنت واسرتك كاملة (غير شاملة ابناءك فوق 22 سنة) والتصريح بالعمل فى اسرع وقت يعنى وجودك فى البلد قانوني تماما وتتمتع بالحرية الكاملة فى انك تشتغل في اي مجال، تدرس، تفتح مشروع، ...،... ولكن البلد مش بتوفرلك وظيفة ولا سكن ولا أي حاجة.

 إجراءات الهجرة إلى كندا واضحة وصارمة وليها شروط كتير ومحتاجه تركيز منك علشان تقدر تسافر فعلاً.

أشهر أنظمة الهجرة الى كندا هي :

1. الاكسبرس انتري Express Entry EE
2. هجرة المقاطعات PNP
3. البرنامج الأطلنطي التجريبي Atlantic Pilot Immigration Program (AIPP)


نبدأ بالنظام الأول وهو قائم على النقاط Express Entry. فى هذا النظام كندا حاطه معايير معينة وكل الناس فى العالم كل معيار ليه نقط معينة (قد تتغير مع الوقت) بتدخل تشوف جبت نقاط قد إيه حسب هذه المعايير، والحكومة الكندية كل ما تحب تدخل ناس جديدة البلد.. تاخد من الناس اللى جايبه أعلى نقاط، فهى كده بتضمن انها بتاخد best of the best من راغبى الهجرة فى العالم.

اقرأ ايضا

الهجرة الى كيبك : الاوراق والشروط المطلوبة من اجل الهجرة الى مقاطعة كيبك الكندية


بشكل عام كل ما سنك يقل، وتعليمك يزيد، لغتك قوية... يبقى نقاطك تزيد ... والعكس صحيح.
ستحصل أيضا على نقط زيادة لو عندك أخ مقيم فى كندا.. وكمان لو بتتكلم انجليزى وفرنساوي (سوياً) بطلاقة.
تعال دلوقتى شوف انت منطبق عليك شروطهم ولا لأ.


أ‌. ادخل على الرابط ده
  http://www.cic.gc.ca/en…/immigrate/skilled/apply-factors.asp 

 وده اسمه express entry eligibility علشان تشوف انت عندك الحد الادني من الشروط ولا لأ للاكسبرس انتري (فيه ناس بتسمي الخطوة دى البوول الأول) ، لو جبت 67 او اكتر ادخل على النقطة التانية، لو مجبتش 67 يبقى إما تشوف طريقة تزود بيها نقاطك او تبحث عن مسار مختلف خالص للهجرة (جواز ، دراسة ، استثمار،...،..)
لو معرفتش تحسب نقطك من الرابط اللى فوق.. الموقع ده حاططهم فى شكل أسئلة بس هايطلب منك الايميل
http://milestoneimmigration.com/pointcalculator.aspx


ب‌. ادخل على الرابط ده

  https://www.canadavisa.com/comprehensive-ranking-score-calc… 

وده اسمه express entry crs calculator علشان تشوف انت تقدر تجيب كام نقطة بحسب معاييرهم. (فيه ناس بتسمي الخطوة دى البوول الثاني)
الدرجة النهائية فى التقييم ده من 1200 نقطة، وكل اسبوعين تقريبا بياخدوا أعلى مجموعة من المتقدمين (زى تنسيق الكليات كده) أحدث درجة وصلوا لها (حتى تاريخ هذه المقالة) هي 449.

علشان تفتح ملف ليك على الاكسبرس انتري محتاج يكون معاك ايلتس 6 على الأقل و تقييم شهادتك. بيكون قدامك 3 شهور لاستكمال ملفك أونلاين, والملف بتاعك بيفضل عندهم لمدة سنة بعد استكماله لو الحد الأدني للدرجات وصل للدرجة بتاعتك... يبقى مبروك عليك الهجرة.


فلو جبت اكتر من 400 يبقى كويس وتقدر تكمل فى النظام ده بشوية مجهود علشان توصل إلى مستوى أعلى ، لو جبت اقل من 400 يبقى ادخل على الرابط ده
http://www.cic.gc.ca/english/express-entry/grid-crs.asp

علشان تشوف توزيعة الدرجات كاملة وتشوف تقدر تزود نقاطك ازاي، لو برضه مش عارف تزود نقاطك يبقى ادخل على الخطوة الثالثة.

ملحوظة: مؤخراً مسئولو الهجرة لاحظوا ان اخواتنا اللي شغالين حرفيين نقاطهم غالبا مش بتوصل ل400 على الرغم من ان كندا محتاجه هذه الفئة، فبدأوا يعملوا pool افتراضي للحرفيين وياخدوا سحبة كل سنة تقريباً للحرفيين فقط، وكان اقل سكور مقبول ليهم هو 199 فى آخر مرة.

ج. لو عرفت تجيب ترشيح من مقاطعة كندية على هجرتك هاتاخد 600 نقطة مرة واحدة ، يعنى هاتبقي من الاوائل من حيث النقاط، ازاى تاخد ترشيح المقاطعة؟ ده موضوع طويل شوية

مبدئيا دى اسماء المقاطعات Alberta | British Columbia | Manitoba | New Brunswick | Newfoundland and Labrador | Northwest Territories | Nova Scotia | Nunavut | Ontario | Prince Edward Island | Québec | Saskatchewan | Yukon


واشهر مقاطعات للترشيح هم: ساسكاتشوان، نوفاسكوتشيا واونتاريو ولكن برامجهم مش مفتوحة طول السنة وبيطلبوا وظائف محددة كل فترة حسب حاجة السوق لديهم، وبعضهم بيشترط حصولك على عقد عمل بالمقاطعة (وده صعب جدا مادمت بره كندا) أو تكون عايش فى المقاطعة.. لما بيحتاجو مهاجرين يفتحوا البرنامج فالناس (اللى هما احنا) بنتهافت عليهم من كل العالم فيحصلوا على العدد المطلوب خلال يوم بالكتير ويقفلوا البرنامج تانى وهكذا.

دى تفاصيل وشروط ترشيح نوفاسكوتشيا:

https://novascotiaimmigration.com/…/Demand-AppGuide-English…

دى تفاصيل وشروط ترشيح ساسكاتشوان:

  https://www.saskatchewan.ca/…/international-skilled-worker-…
مؤخراً حطوا رسوم 300$


دى تفاصيل وشروط ترشيح اونتاريو:

عايزين تكون جايب اكتر من 400 فى الاكسبرس انتري، وايلتس 6
http://www.ontarioimmigration.ca/…/p…/OI_PNP_EE_CAPITAL.html
مؤخراً حطوا رسوم 1500$


ومؤخراً برضه عملوا نظام تفصيلى لمن يعملون فى مجال الـ IT لان المقاطعة محتاجهم وبدأوا يرسلوا دعوات لأصحاب أعلى النقاط فى هذا المجال من الاكسبرس انتري (تقريبا وصلوا إلى نقاط 320 كحد أدنى وهذا رقم متغير) يعنى كانهم عملوا pool افتراضي فقط لهذا المجال وهى فرصة جيدة للعاملين فى ال IT.


مقاطعة مانيتوبا: دى مفتوحة 365 يوم فى السنة ولكن تشترط أن يكون لك قريب قريب (مش قريب من بعيد) مقيم فى المقاطعة أكثر من سنة علشان تقدر تقدم ملفك عندهم، او تقوم بزيارة استكشافية للمقاطعة بدعوة منهم (الدعوات دى مش مفتوحة طول السنة) انا شايفها مقاطعة صعبة.. غير انها مقاطعة باردة ومعاملة أهلها جافة شوية نظرا لطبيعتها الزراعية البعيدة عن الاختلاط المدني.
مؤخراً حطوا رسوم 500$


جنوب مانيتوبا فيه محافظة اسمها "موردن" عامله نظام لوحدها لوظائف محددة، لو وظيفتك منهم وموفي شروطهم تقدر تقدم عندهمhttps://www.mordenimmigration.com/mpnp-sw-eligibility

نسيت أقولك ان مقاطعة كيبيك .. دى مقاطعة لغتها هي الفرنسي ولها نظام لوحدها مش تابعة للاكسبرس انتري حتى الآن 

فانت محتاج تدخل على صفحات المقاطعات دى وتشوف شروطهم تنطبق عليك ولا لأ علشان تشوف هل تستهدفهم ولا لأ.
وانت ماشي فى كل الخطوات دى ممكن تعتبر نفسك هو المتقدم الاساسي،،، او يكون زوجتك/زوجك هو المتقدم الأساسي وانت الشريك.

نصيحة عامة: لو لقيت نفسك محتاج ترجمة للاستمارات والروابط الخاصة بالهجرة، تبقى دى علامة قوية ان لغتك محتاجه تتحسن قبل ما تقدر تهاجر. لان اجادة اللغة الانجليزية/الفرنسية من الشروط الأساسية عندهم.
هل اعجبك الموضوع :

تعليقات

4 تعليقات
إرسال تعليق
  1. اطلب اللجو اليابان كندا انا واولادي ٩ ابناء وزوجتيت الايم الهادي هارون تلفون 00249912931290

    ردحذف
  2. الهادي حسن حسب الله حسن
    ارغب بالسفر إلى كندا والعمل والعيش فيها 24995769566 واتساب moder93m@gmail.com

    ردحذف
  3. الهادي حسن حسب الله حسن /35 سنه أرغب بالسفر إلى كندا والعمل والعيش فيها 24995769566 Sudan /moder93m@gmail.com

    ردحذف

إرسال تعليق