القائمة الرئيسية

الصفحات

كيفية الحصول علي انواع تاشيرات هولندا المختلفة

 هبتدي مع حضراتكم موضوع جديد، والنهارده هتكلم عن هولندا، ولما أذكر هولندا يعني الورود يعني اياكس امستردام وايندهوفن اقوي اندية اوربا في كرة القدم يعني عارفين هولندا ومحمد هنيدي وطواحين الهواء.

 أول حاجة هتكلم فيها عن خطوات التقديم للحصول على الشنجن من سفارة هولندا بيتم عن طريق مكتب vfs globle العالمي ولكن حاليا ليس متاح التقديم علي سياحة نظرا لحالة الاغلاق بسبب فيروس كورونا المستجد 

ولكن الفيزا الدراسية وفيزا لم الشمل وفيزا البزنس متاح التقديم عليها ندعو الله سبحانه وتعالي ان تعود الامور الي سابق عهدها
التقديم للحصول على تاشيرة هولندا بيتم عن طريق موقع مكتب VFS Global وعنوانه في الرابط ده


طبعا انت بتعمل اكونت علي الموقع الموضح ادناه وتدخل تاخد ميعاد بصورة الباسبور وبياناتك 


https://www.vfsglobal.com/netherlands/egypt/


كل الخطوات هتلاقيها في الموقع وسهل، وبعد ما تكمل كل الخطوات هتروح المكتب، وطبعا الورق المطلوب كالتالي:


الاوراق المطلوبة للحصول على تاشيرة هولندا


1- حجز طيران. 

خلي بالك لازم يكون hold on waiting مش حجز وهمي واحذر. لانه ممكن يكون حدث له كنسلايشن اينعم هو مبدءي بس لازم يكون هولد اون ويتنج


2- حجز فندق.

خلي بالك كويس جدا احجز عن طريق اي موقع غير بوكينج بس يكون حجز مؤكد لازم جدا لان ممكن جدا تحجز من هنا والحجز يتلغي من هنا وانت متعرفش لازم الحجز يجي علي الايميل ورسالة SMS علي رقم تليفونك وهذا يتطلب بطاقة اءتمانية كرديت ودي بيتخصم رسوم مقابل الحجز الموكد فري كنسلايشن غير كدا بيكون حجز وهمي وتيجي السفارة تتأكد ما تجد شيء ودا مهم جدا


3- كشف حساب بنكي (يكون لآخر 6 شهور). ودا مهم جدا مش لازم تبالغ في حركة الحساب وكمان مينفعش يقل عن ما يعادل اربع الاف يورو غير كدا يبا انت بتهزر واحذر الحساب البنكي الوهمي او الشمال احذر ثم احذر


4- صورة شخصية عادية حديثة 3*4 بخلفية بيضا.


5- الباسبور وطبعا يكون باقي على انتهائه مش أقل من 6 شهور (وتقوم بتصوير الباسبور ورقة بياناتك صورة).


6- صورة الإقامة بالنسبة لغير المصريين المقيمين في مصر، أو لو انت مقيم في أي دولة غير دولتك.


7- ورقة جواب عمل (وبالنسبة لأصحاب الشركات السجل التجاري والبطاقة الضريبية وطبعا تكون مترجمة ترجمة معتمدة لدي السفارة الهولندية بالقاهرة 


8- وثيقة تامين سفر دولية بمدة الرحلة 


9- خطاب تغطية cover letter ودا بيشمل خطه الرحلة باليوم والساعة والتاريخ ودا مهم جدا جدا ولازم يتعمل بشكل كويس جدا
واحب اضيف هنا نقطتين ان وجود فاعليات مؤتمر او حضور سيمنار او تدريب او منتدي او مهرجان بيدعم موقفك جدا في حصولك علي الفيزا ودا مهم جدا علشان تهرب من الرفض في السبب رقم 2و 8 ودا معظم الناس بتاخد الرفض في الثلاث اسباب التاليين وهو ما يتعلق بالحجوزات وتبرير أسباب الإقامة في منطقه الشنغن والسبب رقم 9 دا انا موضحة في اسفل المقال وشارح وموضح ازاي تهرب من سبب الرفض ده كويس جدا وخلي بالكم محدش بياخد أسباب رفض غير اللي انا قولتها لهذا اهم شيء ملفك يكون قوي جدا. وخلي بالك من اخطاء الابليكيشن لأن من الشائع جدا الأخطاء فيها ودا كفيل انه يديك رفض لهذا السبب التافة


النقطة الثانية هي هناك انواع متعددة من الفيزا مثل فيزا رياضية حضور مناسبة رياضية ودي تتمثل في دعوة لحضور مناسبة رياضية وكذلك التاشيرة الثقافية مثل حضور حدث ثقافي او فني 


تاشيرة علاجية مثل عمل فحوصات طبية او اجراء عملية جراحية
ما الفيزا الدراسية دي بحق هي اهم وافضل انواع التاشيرات هولندا من البلدان الرهيبة التي تعطي حقوق عجيبة للدارس في السكن والعمل والتامين الصحي هذا غير انك تكون معك اقامة دارس وهو من الانواع المميزة لذلك فانا انصح بمن اراد الاستقرار والتفكير بشكل علمي مدروس الدراسة حل سليم جدا 


10- قدم اي اوراق مترجمة تدل علي موقفك المالي مثل عقود سيارة. شقة. ارض ممتلكات وكذلك موقفك الاجتماعي مثل عقد زواج شهادات ميلاد اطفال روابط تدعم موقفك وتخليه يستبعدك من الرقم 9 سبب الرفض 9 اللي بيعني انه يشك انك سوف تغادر منطقة الشنجن ودا مهم جدا خليك منظم وحريص الي ابعد حد


11- ودا اهم بند والله الذي لا اله الا هو وهو توفيق الله وتيسيره لك فكلنا مسيرين بأمر الله وتوفيقة وما علينا الي السعي في مناكبها 

هل اعجبك الموضوع :

تعليقات