جميع متطلبات تأشيرات قاره افريقيا
اولا : البلاد اللي بدون فيزا مُسبقه تماما ومجانا :
1- غينيا
2- موريشيوس
بدون فيزا مجانا لمدة 3 شهور
ثانيا : البلاد اللي بفيزا اونلاين ( الكترونيه ) :
1- زامبيا،
مبدأيا دخول زامبيا للمصريين حاليا صعب شويه لكن الفيزا بتتعمل اونلاين من الموقع دة evisa.zambiaimmigration.gov.zm
وبتدفع 50 دولار والاجراءات بتاخد من 4 ساعات ل 72 ساعه ولو اتوافق عليك بتتبعتلك ع الميل
2- الجابون
هتدخل ع الموقع دة evisa.dgdi.ga وبعدين تملي الابلكيشن وتملي بياناتك كامله وبعدين تحمل الاوراق المطلوبه اللي هي الباسبور و صور شخصيه بمقاسات معينه واخيرا بتعمل Submit
والاجراءات بتاخد 72 ساعه .. لو اتوافق عليك هيتبعتلك ايميل بالفيزا ستيكر وهتدفع رسوم الفيزا ف المطار هناك
والدفع بيكون اون اريفال بعد ما توصل المطار هناك في قسم ال e-visa sticker في المطار
الفيزا لو عايزها صلاحيه من شهر ل 3 شهور هتدفع 85 يورو
أما لو عايزها اكثر من 6 شهور هتدفع 200 يورو
ثالثا : البلاد اللي بفيزا عند الوصول في المطار ب فلوس :
1- رواندا ، فيزا عند الوصول ب 30 دولار
2- توجو ، فيزا عند الوصول ب 30 دولار لمدة 7 ايام فقط
3 - كينيا ، فيزا عند الوصول ب 50 دولار. ( ممكن تعملها اونلاين عادي )
4- تنزانيا ، فيزا عند الوصول ب 50 دولار
5 - زيمبابوى ، فيزا عند الوصول ب 50 دولار لمده 3 شهور
6- اوغندا :
اوغندا ليها اتنين اوبشن والاثنين مُتاحين عادي
اول اوبشن انك تاخدها اون اريفال عند الوصول في مطار عنتيبي ب 50 دولار مدتها 3 شهور
أو
انك تعمل فيزا من السفاره ودي اجراءاتها سهله عن طريق انك تعمل ايداع ب 900 جنيه لو سنجل انتري أو 1800 جنيه لو دخول متعدد في بنك اسمه ABC في رقم حساب السفاره ACCOUNT NO: 194150 وتملي الابلكيشن بتاع الفيزا وبعدين تروح السفاره والاجراءات بتاخد يومين عمل
** معلومه كثير ميعرفوهاش انك ممكن تدخل اوغندا و كينيا و رواندا زي الشنجن بالظبط بمعني تاخد الفيزا من بلد منهم وتدخل بيها باقي ال 3 بلاد .. ودي اسمها الفيزا الثلاثية متعددة الدخول East Africa tourist visa وبتعملها اما اونلاين أو من اي سفاره منهم وقيمتها من 100 ل 120 دولار وصلاحيتها 3 شهور
7- غانا :
لو انت رايح سياحه فقط يبقي لازم تاخد فيزا من السفاره في مصر .. أما لو رايح لمؤتمر أو معرض تجاري أو زياره حكوميه يبقي لازم خطاب دعوة من غانا وبعد الحصول ع خطاب دعوة تقدر تدخل غانا بفيزا عند الوصول عادي ب 150 دولار من المطار وصلاحيتها هتبقي 14 يوم فقط طبقا لأخر ابديت وصل عندي وهو مايو 2020
8- مدغشقر، سيشل ، غينيا بيساااو ، دوله صوماليا ( وليست الصومال ) ، كيب فيردى (الرأس الأخضر) .. كل الدول دي فيزا عند الوصول في المطار
رابعا البلاد اللي لازم تعملها فيزا مُسبقه من السفاره :
الورق العام بتاع باقي السفارات في قاره افريقيا هو باسبور ساري لأخر 6 شهور ، صورتين شخصيه خلفيه بيضاء ، كشف حساب بنكي لأخر 6 شهور ، اتش ار ليتر لو موظف من شغلك أو سجل تجاري وبطاقه ضريبيه لو حر أو اثبات قيد من الكليه كطالب ، حجز فندق وطيران مبدئي ، ابلكيشن الفيزا من السفاره ..
اي سفاره من اللي بتحتاج فيزا مُسبقه هو دة الورق بتاعها العام .. مع بعض الاختلافات في بعض المتطلبات لبعض الدول زي :
1- جنوب افريقيا : كشف حساب بنكي لأخر 3 شهور فقط + تأمين طبي ، رسوم الفيزا مجانا
2- السودان : لازم تصريح امني من مجمع التحرير و رسوم الفيزا مجانا
3- نيجيريا : الاوراق بقيت بتتعمل اونلاين الاول وبعدين تطبع و تتقدم ف السفاره
4- ساحل العاج والجزائر : لازم خطاب دعوة للفيزا البيزنس لأن مفيش تأشيرات سياحه
5- تونس : لازم نسختين اصليتين من كل ورقه هتتقدم للسفاره
.
طبعا معظم بلاد القاره بتحتاج تطعيمات عشان تدخلها خصوصا تطعيم الحمي الصفراء المطلوب ف بلاد كثير .. وهنتكلم ف الموضوع دة بالتفصيل الممل ف بوست لوحده ( لأن دة مجال تخصصي اصلا ) وهنوضح كل بلد محتاجه انهي نوع تطعيمات وتاخدها منين واسعارها مع بعض المعلومات العلميه الخاصه بالتطعيمات دي زي امتي متاخدهاش واعراض الامراض لو اتصبت بيها ان شاء الله
تعليقات
إرسال تعليق