Tarek Abdou
ما هى عقود العمل الموسمية فى ايطاليا وطريقة التقديم فيها
في
ناس كتير كتبتلي عن العقود الموسمية الي ايطاليا قبل ماخش في الموضوع انا
معرفش اي طريقه اساعدك في العقود دي عشان ماتبعتليش وتقولي اززاي بس انا
اساعدك اني افهمك خلينا كده باختصار اشرحلكم ايه ده او ما يسمي ب Decreto
flussi او قانون فلوسي ده عبارة عن اجراء اداري تصدره الحكومة الإيطالية كل
سنة بغرض السماح لمواطنين أجانب بالدخول الى ايطاليا من أجل العمل سواء
كان هذا العمل موسميا أو اعتياديا.
والهدف
من هذا القانون هو اصحاب الشركات والمؤسسات على الحصول على اليد العاملة
لسد الخصاص الي بتعاني منه بعض القطاعات المهنية في ايطاليا وكل سنه وبشمل
قطاعات كتير زي الفلاحة والسياحة وده عقد ليه مده محددة وبعد كده بينتهي
وبترجع بلدك عشان مش مصرح بعد كده يتعمل اقامة الجميل بقي انك لو خلصت
العقد الموسمي ده وجيت تقدم السنه الجايه بيبقي ليك الاولوية عشان بقي في
ثقه وسعتها ممكن تحوله لاقامة هناك .
الاهم
بقي ان العقود الموسميه دي مش بتتباع عشان تكلفتها (١٦ يورو) بس يعني
حوالي ( ٢٩٠ جنيه )بيدفعها صاحب الشركة للحكومة عشان الطلب يعني اي حد
يقولك مبالغ كبيرة اعرف انه نصاااااب عشان دي مش بتجدد اوعي حد يدفع لحد
عشان يجبله عقد موسمي عشان في ناس قالتلي بيطلبوا مبالغ خياليه الافضل
تتواصل مع حد قريب لك هناك وهو هيساعدك .
ممكن للمقيم في ايطاليا بشكل قانوني أن يقوم باحضار عمال موسميين من الخارج سواء كانوا من أفراد عائلته أو أجانب.
لكن بشرط أن يكون هذا المقيم يمتلك مشروعه الخاص في المجال السياحي أو الفلاحي.
وتاني بقول تمن الطلب ١٦ يورو
ما هي ايه شروط صاحب العمل
١- يكون عنده دخل ثابت بشكل مستمر
٢- يكون بيدفع كل الضرائب
٣- يكون مجهز شقه عشان الشخص الي هيجيبه يقعد فيها زي عقد ايجار
٤- ميكونش عنده اي مشاكل جنائية
٥-ويكون مسجل في ضمان الاجتماعي
ما هي ايه شروط المطلوبة في العامل
١-ميكونش جوه ايطاليا يكون موجود في بلده
٢-ميكونش عنده سوابق جنائية في اي مكان
٣- صاحب العمل يسجله مع الناس الي هيجبها
بعد
كده صاحب العمل يخش يقدمله الطلب من صفحة وزارة الداخلية الايطاليه وبيدخل
كل الطلبات وبيانات الشخص و يتم منح الموافقة بالعمل الموسمي من طرف
المكتب الموحد للهجرة في الولاية Prefettura
وبيبعتلك رابط بتاع من خلاله انهم وافقوا عليك او لا لو وافقوا بتروح علي سفارة ايطاليا في بلدك وبتطلع التاشيرة بس كده
تعليقات
إرسال تعليق