القائمة الرئيسية

الصفحات

طريقة الحصول على تأشيرة العمل الحر في التشيك Zivno Visa

تأشيرة العمل الحر في التشيك Zivno Visa
 
ناس كتير سالتني عن تاشيرة سهلة ونعمل اقامة في اوربا بطريقه قانونيه انهارده هشرح بالتفصيل نوع فيزا طويلة المده في اوربا وبصراحة جميله جدا ولا محتاج لغة ولا دراسة وتقدر تشتغل بيها وتخش اوربا بها وتعمل الي انت عاوزه.. اسمها Zivno visa ودي معلومات عنها من الحكومة التشيكية 
 
 
 
ومدتها ١٢ شهر وبتجدد عادي هناك وبعد ٣ سنين تقدر تحصل علي الاقامة الدايمة حاجه في منتهي الجمال طيب ايه الاوراق المطلوبة 
 
الأوراق المطلوبة 
 
- ابلكيشن التقديم وده موجود في صفحة السفارة او ممكن تبعت ايميل لسفارة بلدك وتطلب الابليكشن الخاص بالتاشيرة Zivno ولو مش عارف موقع السفارة في بلدك هسبلك لينك في اخر البوست وده ابميل سفارة التشيك بمصر تطلب الابلكيشن وتملاء بالكامل
consulate_cairo@mzv.cz
 
 
- جواز سفر ساري الصلاحية
 
- الرخصة التجارية عشان العمل المستقل والغرض من الاقامة داخل جمهورية التشيك ودي هقولك تعملها ازاي 
 
 
- إثبات الإقامة أو إيجار سكن لمدة 12 شهر او ممكن عمل حجز أولاين بدون دفع أي رسوم علي موقع Booking.com
 
 
- صحيفة الحالة الجنائية في بلد إقامتك الحالية الي هو(فيش جنائي) موجه لسفارة التشيك.
 
 
- إثبات التأمين الطبي للفترة الي هتقعد فيها بالتشيك وهي حوالي سنه.
 
 حساب بنكي في بلدك او بلد إقامتك بمبلغ حوالي 5100 يورو او بما يعادل بالعملة المحلية و المبلغ بس لتأكيد قدرتك المالية.
 
 
خطوات التقديم علي الرخصة التجارية
 
 
- استمارة التقديم و تملاء بالبيانات جوه الموقع 
 
- صورة من جواز السفر
 
- نوع التجارة
 
- صحيفة الحالة الجنائية (فيش جنائي)
 
- الرسوم حوالي 45 دولار
 
- عنوانك في التشيك
 
 
كل الاوراق يا معلم مترجمة إلي اللغة التشيكية من اي مكتب معتمد و تبعت الأوراق اونلاين من هنا 
 
 
 
وهيبعتولك الرخصه التجاريه في حوالي ٥ ايام 
 
كل الاوراق المطلوبة تترجم تشيكي مش انجليزي ماشي وبعدين تاخد الاوراق كلها وتطلع علي السفارة وتسلمهم وتدفع رسوم ١٠٠ يورو 
 
 
هيكلموك بعدها وهيحددوا مقابله مع القنصل هيسالك شوية اسئلة زي مثلا ليه عاوز تعيش في جمهورية التشيك ونوع العمل الي عاوز تعمله هناك وخططك هناك ووضعك المالي.
 
 
بعد المقابله هتستني حوالي بين 3 إلي 4 شهور للرد علي طلبك الموافقة أو الرفض.
 
لو اخدت موافقه هتاكد بس رخصتك التجاريه اونلاين وهتروح تاخد طابع من مكتب شرطة الأجانب في المدينة الموجود فيها وبس كده يا معلم خلصت 
 
سفارات التشيك في كل العالم

هل اعجبك الموضوع :

تعليقات